500 போதை குளிசைகளுடன் இருவர் கைது

சட்ட விரோதமான முறையில்  போதை குளிசைகள் எடுத்துச்சென்ற குற்றச்சாட்டில்,  இருவர் சனிக்கிழமை (06) கைது செய்யப்பட்டதாக மொனராகலை பொலிஸார் தெரிவித்துள்ளனர் . 

மொனராகலையில் இருந்து பிபிலை நோக்கி பயணித்துக்கொண்டிருந்த பட்டா ரக  வாகனமொன்றை ,  மாவட்ட செயலாளர் அலுவலகத்திற்கு அருகில் வைத்து சோதனையிட்ட  போது சட்டவிரோதமாக எடுத்துச்சென்ற  500 போதை குளிசைகள் மீட்கப்பட்டுள்ளது .

இது தொடர்பில் கைது செய்யப்பட்டவர்கள்  கம்பளை , கம்பளவத்தை பிரதேசத்தை சேர்ந்த  26 மற்றும் 36 வயதுடையவர்கள் என பொலிஸார் தெரிவித்துள்ளனர் . 

மேலும் , சந்தேக நபர்களையும் , மீட்கப்பட்ட போதை குளிசைகள் மற்றும் பட்டா ரக வாகனத்தையும் மொனராகலை நீதவான் நீதிமன்றில் ஆஜர்படுத்த நடவடிக்கைகள் மேற்கொண்டுள்ளதாக மொனராகலை பொலிஸார் தெரிவித்துள்ளனர் .