இப்ஸ்விச் டெளணிடம் தோற்ற செல்சி

இங்கிலாந்து கால்பந்தாட்டக் கழகங்களுக்கிடையிலான பிறீமியர் லீக் தொடரில், இப்ஸ்விச் டெளணின் மைதானத்தில் இன்று (31) நடைபெற்ற அவ்வணியுடனான போட்டியில் 0-2 என்ற கோல் கணக்கில் செல்சி தோற்றது.

இப்ஸ்விச் சார்பாக லியம் டெலப், ஒமரி ஹட்சின்சன் ஆகியோர் தலா ஒவ்வொரு கோலைப் பெற்றனர்.

இதேவேளை மன்செஸ்டர் யுனைட்டெட்டின் மைதானத்தில் நடைபெற்ற அவ்வணியுடனான போட்டியை 2-0 என்ற கோல் கணக்கில் நியூகாசில் யுனைட்டெட் வென்றது. நியூகாசில் சார்பாக, அலெக்ஸான்டர் இஸக், ஜோலின்டன் ஆகியோர் தலா ஒவ்வொரு கோலைப் பெற்றனர்.