2012ஆம் ஆண்டிற்குள் அனைத்து மாகாண வீதிகளும் காப்பர்ட் இடப்படும்: பசில்

2012ஆம் ஆண்டு முடிவடைவதற்குள் இலங்கையில் அனைத்து மாகாண வீதிகளும் முற்றாக காப்பர்ட் இடப்பட்டு செப்பனிடப்படும் என பொருளாதார அபிவிருத்தி அமைச்சர் பசில் ராஜபக்ஷ தெரிவித்துள்ளார்.

மாத்தறை மாவட்டத்தின் தெவிநுவர தேர்தல் தொகுதிக்குட்பட்ட வீதியொன்றினை காப்பர்ட் இடும் வைபவத்தினை தொடங்கிவைத்து உரையாற்றும்போதே நேற்று இதனை அமைச்சர் தெரிவித்தார்.

அவர் அங்கு தெடர்ந்து உரையாற்றுகையில்...

மக்களின் போக்குவரத்துக்கு இடைஞ்சலாக இருக்கின்ற அனைத்து வீதிகளும் புனரமைக்கப்பட்டு வருகின்றன. அந்தவகையில் இவ்வாண்டுக்குள் மூன்றில் இரண்டு பகுதி வீதிகள் காப்பர்ட் இடப்பட்டு முடிந்துவிடும். எஞ்சிய வீதிகள் அனைத்தும் அடுத்தவருட இறுதிக்குள் காப்பர்ட் இடப்படும். இதற்கான நிதியினை அரசாங்கம் ஏற்கனவே ஒதுக்கியிருக்கிறது என்று குறிப்பிட்டார்.