லிட்ரோ நிறுவனத்தின் புதிய எரிவாயு முனையம்

கடுவளை - மாபிம பகுதியில் லிட்ரோ நிறுவனத்தின் புதிய எரிவாயு முனையமொன்று இன்று(08)  திறந்துவைக்கப்படவுள்ளது.

இதனை லிட்ரோ நிறுவனத்தின் தலைவர் முதித பீரிஸ் தெரிவித்துள்ளார்.

இதன் ஊடாக தினமும் 60,000 எரிவாயு சிலிண்டர்களை சந்தைக்கு விநியோகிக்க முடியும் என அவர் கூறியுள்ளார்.

கெரவலப்பிட்டிய எரிவாயு முனையத்தின் ஊடாக நாளாந்தம் ஒரு இலட்சம் சிலிண்டர்கள் சந்தைக்கு விநியோகிக்கப்படுகின்றன.

எனினும், நாளாந்த தேவையைப் பூர்த்தி செய்வதற்கு கெரவலப்பிட்டிய முனையம் மாத்திரம் போதாது என்பதனால், புதிய முனையத்தை நிர்மாணிக்கப்பட்டுள்ளதாக அவர் குறிப்பிட்டுள்ளார்.