மறுவடிவமைப்பு செய்யப்படுகிறது பண்டாரநாயக்க விமான நிலையம்

இலங்கைக்கு வருகை தரும் சுற்றுலாப் பயணிகளின் எண்ணிக்கை அதிகரித்து வருவதால், பயணிகள் அனுபவத்தை மேம்படுத்துவதற்காக, பண்டாரநாயக்க சர்வதேச விமான நிலையம் (BIA) அதன் வரவேற்பு பீடத்தில் குறிப்பிடத்தக்க மறுவடிவமைப்புகளை செய்யவுள்ளது.

முக்கிய மாற்றங்கள் பின்வருமாறு:

• நெரிசலைக் குறைக்க ஏடிஎம் இயந்திரங்களை இடமாற்றம் செய்து அவற்றின் எண்ணிக்கையை அதிகரித்தல்.

• வரவேற்பு பகுதியை விரிவுபடுத்தி, மிகவும் விசாலமான மற்றும் வரவேற்கத்தக்க சூழலை உருவாக்குதல்.

• வரும் சுற்றுலாப் பயணிகளுக்கு உதவுவதற்காக ஒரு மைய பயணத் தகவல் கருமபீடத்தை நிறுவுதல்.

சுற்றுலாப் பயணிகளின் வருகை தொடர்ந்து அதிகரித்து வருவதால், விமான நிலைய மற்றும் விமான சேவைகள் (இலங்கை) லிமிடெட் (AASL) இந்த மாற்றங்களைத் தொடங்கியுள்ளது.

விமான நிலைய மற்றும் விமான சேவைகள் (தனியார்) லிமிடெட் (AASL) தலைவர் ஏர் சீஃப் மார்ஷல் (ஓய்வு) ஹர்ஷ அபேவிக்ரம கூறினார்:

“இலங்கைக்கு சுற்றுலாப் பயணிகளின் வருகையில் குறிப்பிடத்தக்க அதிகரிப்பு, குறிப்பாக 2024 ஆம் ஆண்டின் கடைசி காலாண்டில், 2025 ஆம் ஆண்டு வரை இந்த வேகம் தொடர்கிறது என்பதை நாங்கள் அவதானித்துள்ளோம். ஜனவரி 2025 இல், தினசரி சுற்றுலாப் பயணிகளின் வருகை சராசரியாக 8,150 ஆக இருந்தது, இது ஜனவரி 2024 இல் பதிவு செய்யப்பட்ட 6,700 தினசரி வருகையுடன் ஒப்பிடும்போது 23% அதிகரிப்பை பிரதிபலிக்கிறது.

இருப்பினும், தற்போதைய வருகை அமைப்பானது நெரிசலுக்கு வழிவகுத்துள்ளது, இதற்குக் காரணம் போதுமான ATM இயந்திரங்கள் இல்லாததும், குறைந்த இடவசதியும் ஆகும். போக்குவரத்து, நெடுஞ்சாலைகள், துறைமுகங்கள் மற்றும் சிவில் விமானப் போக்குவரத்து அமைச்சர் கௌரவ பிமல் ரத்நாயக்க, BIA-விற்கு விஜயம் செய்ததைத் தொடர்ந்து, அதிகரித்து வரும் பயணிகளின் எண்ணிக்கையை சிறப்பாகச் சமாளிக்க வருகை அறையை மறுவடிவமைப்பு செய்து விரிவுபடுத்த முடிவு செய்தோம்.

இந்த மறுவடிவமைப்பில் காத்திருப்பு நேரத்தைக் குறைக்க ATM இயந்திரங்களின் எண்ணிக்கையை அதிகரிப்பது மற்றும் இலங்கை சுற்றுலா பயணத் தகவல் கருமபீடத்தை மைய இடத்திற்கு மாற்றுவது ஆகியவை அடங்கும், இதனால் சுற்றுலாப் பயணிகள் அன்புடன் வரவேற்கப்படுவதையும் வருகையின் போது உதவப்படுவதையும் இது உறுதி செய்யும்.

இந்த நடவடிக்கைகள், BIA இல் பயணிகள் அனுபவத்தை மேம்படுத்துவதற்கும் அதிகரித்து வரும் பயணிகளின் அளவை நிர்வகிப்பதற்கும் AASL இன் முயற்சிகளின் ஒரு பகுதியாகும் என்றார்.