’’பிரதி அமைச்சர் எந்த சந்திப்பிலும் ஈடுபடவில்லை’’

நிதி மற்றும் திட்டமிடல் பிரதி அமைச்சர் ஹர்ஷன சூரியப்பெரும தொடர்பில் சமூக ஊடகங்களில் பொய்யான தகவல்கள் பரப்பப்பட்டு வருவதாக நிதியமைச்சு தெரிவித்துள்ளது.

அறிக்கை ஒன்றை வெளியிட்ட நிதியமைச்சகம், நிகழ்நிலை வர்த்தகமான TTK Application Promotion Limited உடனான சந்திப்பு தொடர்பாக பிரதி அமைச்சர் ஒரு விளம்பர அறிக்கையை வெளியிட்டதாக பொய்யான தகவல் பரப்பப்படுவதாக அறிக்கையில் குறிப்பிடப்பட்டுள்ளது. 

TTK Application Promotion Limited அல்லது அத்தகைய நிறுவனத்துடன் பிரதி அமைச்சர் எந்த சந்திப்பிலும் ஈடுபடவில்லை என நிதியமைச்சு தெளிவுபடுத்தியுள்ளது. 

பிரதி அமைச்சரின் பெயரைப் பயன்படுத்தி குறித்த நிறுவனம் சட்டவிரோதமான முறையில் பணம் வசூலிப்பதாகக் கூறிய நிதியமைச்சு, சம்பவம் தொடர்பில் சட்ட நடவடிக்கையை ஆரம்பிக்க நடவடிக்கை எடுக்கப்பட்டு வருவதாகத் தெரிவித்துள்ளது.