பிரதேச மட்ட இலக்கிய விழா

Sudharshini / 2014 நவம்பர் 13 , மு.ப. 07:53 - 0 - {{hitsCtrl.values.hits}}

-வடிவேல் சக்திவேல்

மட்டக்களப்பு, போரதீவுப்பற்று பிரதேச மட்ட இலக்கிய விழா, நாளை வெள்ளிக்கிழமை (14) காலை 9.30 மணிக்கு போரதீவுப்பற்று பிரதேச செயலக கேட்போர் கூடத்தில் நடைபெறவுள்ளதாக, போரதீவுப் பற்று பிரதேச கலாசார அபிவிருத்தி உத்தியோகத்தர் திருமதி மயூரவரதனன், புதன்கிழமை (12) அறிவித்துள்ளார்.

கலாசார அலுவல்கள் திணைக்களத்தின் அனுசரணையில், போரதீவுப்பற்று பிரதேச செயலாளர் ந.வில்வரெத்தினம் தலைமையில் நடைபெறவுள்ள இந்நிகழ்வில், எழுத்தாளர் அசோகா, கவிஞர் த.ருத்திரா, போரதீவுப்பற்று கோட்டக் கல்வி அதிகாரி பூ.பாலச்சந்திரன், வெல்லாவெளி சுகாதார வைத்திய அதிகாரி ஏ.சண்முகநாதன் உட்பட பலர் கலந்து கொள்ளவுள்ளனர்.

இந்நிகழ்வின்போது, 2013 மற்றும் 2014 ஆகிய இரு ஆண்டுகளிலும் போரதீவுப்பற்று பிரதேச செயலகத்தின் கலாசாரப் பிரிவினால் நடத்தப்பட்ட கவிதை எழுதுதல், கவிதை பாடல், கையெழுத்துப்போட்டி, கட்டுரை, பாடல் ஆக்கம், நாட்டார் கலை ஆற்றல், விவரணம், சிறுகதை, சிறுவர் கதை எழுதுதல் போன்ற பல போட்டிகளில் முதலாம், இரண்டாம் மூன்றாம், இடங்களைப் பெற்ற மொத்தம் 45 பேருக்கு பரிசில்களும் சான்றிதழ்களும் வழங்கப்படவுள்ளதாகவும் போரதீவுப்பற்று பிரதேச கலாசார அபிவிருத்தி உத்தியோகஸ்தர் திருமதி மயூரவரதனன் மேலும் தெரிவித்துள்ளார்.

Comments - 0

அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .