பஸ் மோதி பெண் மரணம்

வென்னப்புவ நகரில்  பெண்ணொருவர்  மீது  பஸ்  மோதி  உயிரிழந்துள்ள சம்பவம் புதன்கிழமை  (13) இடம்பெற்றுள்ளதாக வென்னப்புவ தலைமையக பொலிஸார் தெரிவித்துள்ளனர்.

லுனுவில, ஜயா மாவத்தையைச் சேர்ந்த பெடில்லே பொடி மெனிகே எனும் 69 வயதுடைய பெண்ணொருவரே இவ்வாறு உயிரிழந்துள்ளார் . 

பாதசாரிகள் குழுவொன்று வீதியைக் கடக்கும் போது, நீர்கொழும்பு பகுதியில் இருந்து சிலாபம் நோக்கிச் சென்ற பஸ் ஒன்று நிறுத்தப்பட்டு,  மீண்டும் முன்னோக்கிச் செல்ல முற்பட்டுள்ள போது  முன்பக்கமாக வீதியைக் கடக்க முயன்ற  குறித்த பெண் மீது பஸ் மோதி , உடல் நசுங்கி சம்பவ இடத்திலேயே உயிரிழந்துள்ளார் என பொலிஸார் குறிப்பிட்டுள்ளனர் .

மேலும்  இந்த விபத்து சம்பவம் தொடர்பில் வென்னப்புவ போக்குவரத்து பொலிஸார் மேலதிக விசாரணைகளை மேற்கொண்டு வருகின்றமை  குறிப்பிடத்தக்கது .

ரஸீன் ரஸ்மின்