நுவரெலியா விளையாட்டுக் கழக விளையாட்டுப் போட்டிகள்

- டி. ஷங்கீதன்

நுவரெலியா விளையாட்டுக் கழகத்தின் ஏற்பாட்டில் நத்தார் தினத்தை முன்னிட்டு அண்மையில்  நடைபெற்ற ஸ்னூக்கர் போட்டியில் முதலாமிடத்தை சமிந்த கொடிகாரவும், இரண்டாமிடத்தை நிமால் அபேநாயக்கவும் பெற்றனர்.

36 விளையாட்டு வீரர்கள் பங்குபற்றிய இப்போட்டியின் இறுதிப் போட்டியில் 40 - 20 என்ற புள்ளிகள் அடிப்படையில் கொடிகார வெற்றி பெற்றார்.

34 போட்டியாளர்கள் பங்குப்பற்றிய பில்லியட்ஸ் போட்டியின் இறுதிப் போட்டியில் 48 - 40 என்ற புள்ளிகள் அடிப்படையில் முதலாமிடத்தை எம்.டி. பூசோவும், இரண்டாமிடத்தை சஞ்ஜீவ ஹேரத்தும் பெற்றனர்.

12 விளையாட்டு வீரர்கள் பங்குப்பற்றிய மேசைப்பந்துப் போட்டியில் முதலாமிடத்தை யசித்த பிட்டிகலவும், இரண்டாமிடத்தை அருண சாந்த ஹெட்டியாராச்சியும் பெற்றனர்.