புதைக்கப்பட்ட உணர்வுகள்

செவ்வாய்க்கிழமை, 10 ஏப்ரல் 2012 19:02 0 COMMENTS

கடன்கள் இல்லை - அவள்
கையில் காசும் இல்லை
ஆனாலும் பிழைக்கத் தெரிந்தவள்

தனிமை, துணிவு
கூட இருக்கும் - அவள்
தன்னம்பிக்கை உறங்குவதில்லை

அமைதி - அவள்
இதயம் பேசும்
மொழியை விளக்குகிறது

சுவாசத்தில் கலந்திருக்கும்
நிகழ்வுகள் - அவள்
ஆயுளை மகிழ்விக்கிறது
அத்தனை
ராத்திரியின் இருள்களும் - அவள்
துன்பத்தை விரட்டுகிறது

திறவாத
இரு விழிகளும் - அவள்
பசுமையை மீட்டுகிறது

துணையாய் வரும்
உற்சாகம் - அவள்
உள்ளத்தை தேற்றுகிறது

உதடுகள்
உரிமையான - அவள்
உறவுகளை உச்சரிக்கின்றன

புதைக்கப்பட்ட
உணர்வுகள் - அவள்
கற்பனையை வளர்க்கின்றது

தூக்கி எறியப்பட்ட அவளை
அவள் துணிச்சலே
வழிநடத்துகின்றது

தூங்க செல்கின்றாள்
துயில்வதற்கு - அவள்
விழிகள் தயங்குகின்றன

அவள் அறையில்
கண் சுழலும் சப்தத்தை
மட்டுமே செவிமடுக்கிறாள்

கவிதை ஆக்கம்:- இளையதம்பி பறக்கத்

Views: 1737

By A Web Design

புதைக்கப்பட்ட உணர்வுகள்

கருத்து